Bellaaa 的部落格

琴晚行雷閃哂電咁落大雨又凍, 冷氣都唔洗開 ( 其實係開唔到 -_-" )

之前一早上網訂左飛買梵蒂岡博物館入場 10:30 

於是我地就9:00 起身.... 琴日DAY 1 我地覺得其實意大利都幾安全呀~~ 唔係咁恐佈姐

仲係metro 偷影左幾張相, 佢地D 地鐵好舊又黑, 如果夜D 好似會有喪屍咁 ..

點知 .. 今日就出事啦~ 咁岩去到月台見到有車.. 於是忍唔住跑左少少.. 見第1卡好多人.. 於是上第2卡啦

前面個兩氣女又跟住我地.. 都Feel 到佢地古怪 .. 佢地死都企係我地前面.. 於是我地上左車啦.. 

明明有好多位,佢地都唔行入去車箱, 之後佢無啦啦推我落車wo~~ diu .. 醒哂 .. 好彩妹妹即刻拉住我

其中一個人想偷妹妹既野.. 好好彩佢唔成功 .. 於是我地就行返入少少~~ 點知.. 山門個一下

又有人大叫..今次有班泰國人俾佢地拉出去.. 咁岩山門仲要夾住左 @@ 好驚險law 

好彩佢地既團友有男人 .. 即刻拉返開到門 .. 之後我地傾計啦..佢地話琴日係mtr 都差d 俾人偷野.. 不過好好彩無事 

由今日開始同妹妹都會好小心.. 記住意大利世界得我地兩個人... 無好人 ..

Metro A line - Ottaviano, 大約10mins就到, 只要跟住行就可以行到去梵蒂岡

嘩嘩嘩 .. 多人到恐怖 !! 呢到咩事 !!!  我地已經無時間再搵點樣去梵蒂岡博物館 

PS: 要去既人... 最好最好上定google  map ~~~ 唔係一定會迷路 .. 我地由左又行到右 .. 行到要跑~~~~~

咁岩又有兩個遊客又係買左10:30 am .. 跟住佢跑實無死 -.-   yeah~~~  咁都俾我地成功到達 .. 覺得自己好勁 -.- 

因為真係多人到唔識講 ~~

ciao~~~ 我地終於入到去博物館~~~ 感覺好似羅浮宮個D~

我地之前仲整定張學生證扮學生~~ save money~~ 都唔洗check ge~ good~~

Cortile della Pigna - 松果中庭

wa~~ 我公司既衫wo~~

Laocon - 勞孔

由於太多人, 只可以單方向行.. 入面仲會多人到塞車 

放棄入梵蒂岡大教堂上面影相,見到個條隊都唔知又要排幾耐 @_@ 影張相 拜拜

琴晚個餐太多,所以是但入一間叫下小食算~~ 但.. 頂呀!! 呢餐好貴呀! 叫左個沙律+薯條+2杯橙汁要40幾蚊 CRY~~ 好唔抵

之後向前行~~ 

Castello di Sant Angelo - 聖天使堡 

再過左橋 .. 一路向前行 

e .. 早知去呢d 小型店食啦~~

小店坐係街食.. 仲好食, 又懶有feel~~ 哈哈 

我地又買 tiramisu 食野... yummy~~

之後又向前行~~ Piazza Navona - 拉沃納廣場

oh~~~ 無啦啦開始落雨 .. 不過好細.. 可以頂多一陣

又向前行 Pantheon - 萬神殿 .. 羅馬係咪好細呢~~ 所有野都行到 

嘩~~ 無啦啦勁大雨 .... 入左去Tazza D' Oro 買咖啡豆 + 飲杯咖啡先 .. ( 順便避雨 )

飲完.. 而家仲係下晝3 點幾.. 我地原本今日既plan 已經行哂 .. 所以決定亂行

亂行行左上人地d 高尚住宅, 之後行行下又返返黎許願池

之後無啦啦又上左西班牙廣場既頂~~   落下太麻煩 ... 決定返酒店 

係酒店附近行下supermarket .. 當今晚晚餐, 士多啤梨好抵呀 $10hkd 左右一大盒, 仲要大大粒..

返到去見又有藍天.. 都決定行多一陣.. 點知行唔夠15mins 又落雨

不過都好.. 有得著!! 見到間日本韓國雜貨店.. 買左兩個辛辣味杯面傍身~~ 

仲有買左雞翼 .. 加自備杯面 ( 第2日就開杯面啦~~)  去歐洲一定要帶熱水煲同餐具

因為基本上95% 酒店都係唔會提供 ~~ 聽朝要一早移動~~ 早抖 :-)  羅馬拜拜